estrella

Eg har blitt utfordra av Annelene, og skal altså skrive sju sanningar om meg sjølv som få veit om. Eg har gjort det ein gong før, på den gamle bloggen min, men eg satsar på å gjere det på nytt, og skrive noko anna. Litt, i alle fall.

Eg tykkjer nyfødde unger er forferdeleg stygge.
- Skrukkete, raude, høglytte, og full av blod. Kva er vakkert med det? Greitt nok at det er eit nytt liv og alt er fantastisk og slikt, men babyen er faktisk ikkje søt før den har blitt vaska og tørka.

Eg har fobi mot å bli trykka på nasa.
- Og å sjå at andre trykkjer på nasa si. Eller andre sine naser. Det er blitt ein slags mani, om eg ser nokon som gjer det må eg straks trykke nasa mi opp, sånn for å kompansere.

Eg greier ikkje gå over kummelokk med tal på
- Då er eg sikker på at eg får så mange års ulukke som det står på kummelokket, og eg må slå meg sjølv tre gonger i hovudet for å oppheve det. Det gjeld ikkje dersom det er kummelokk med eit tal som byrjar på 0, eller om det er noko anna enn tal. Då betyr det lykke.

Eg har vanskeleg for å lese engelsk
- Eigentleg er eg ganske god i språk, men etter å ha vore fast tilhengjar av lolcats i ein lengre periode greier eg omlag ikkje lese engelsk utan lolspeak.

Eg har eit strektrakkesystem.
- Når eg går, kvar som helst, må eg passe på å trakke på ting med forskjellig fot kvar gong, ellers kjem eg i ubalanse. Med "forskjellige ting" meiner eg altså alt mogleg, slik som dørstokkar, heller, ledningar og så vidare i det uendelige.

Eg likar ingen julemat.
- Greitt, no er eg vegetarianar, og det minskar mogligheitane for tradisjonell julemat betrakteleg, men eg har aldri likt julemat. Ikkje pinnakjøt, ikkje kolrabistappe, ikkje juleribbe, lutefisk eller noko som helst. Eg åt fårikål når eg var kjempeliten, men ein gong eg og min far var på fjelltur, før eg kunne gå skikkelig faktisk, sa han noko slikt som "sjå, Anja! Der går det masse godt fårikål!" når me passerte ein flokk sauar, og sidan det har eg ikkje åte det.

Eg speler i band.
- Eller. Eg syng i band. Onomatopoetikon heiter me. Onomatopoetikon er forresten eit ord som beskriv ein lyd, slik som "splæsh", "swoosh", "swish" og så vidare. Berre spør Annelene, ho er vill på onomatopoetikon.
Uansett, me har spelt saman sidan Ole fekk trommesett, og me er ganske så fantastiske, skal eg seie dykk.


Eg utfordrer:
- Ole
- Matias
- Og ellers alle andre som ser dette.

Alt er forsvunnet. Nestan heile oppgåva mi. Eg må gjere alt på nytt, og det skal leverast i morgon. Er det rart eg mislikar å bruke PC? Eg har ikkje tatt med meg PCen heim sidan eg fekk Mac tidlegare dette skuleåret, og no kom eg på kvifor. Eg og Ole satt att på skulen frå tre til åtte, og alt arbeidet eg har gjort dei timane er fordufta. Visstenok skjedde det ein "alvorleg feil som gjor at Windowns måtte avslutte". No sit eg att med tre spørsmål.

1. Kvifor i alle dagar bestemte Bill Gates seg for å lage noko som ikkje fungerer i det heile tatt, og kvifor fortset folk å kjøpe det?

2. Kvifor i alle dagar bestemte fylkeskommunen seg for å kjøpe dei dårlegaste PCane til elevar på vidaregåande? Vil dei at me skal døy miserable og blå i andletet av at augene skjær seg inn i hjernen under eit massivt blue screen of death-anfall, og fører til at me døyr av indre blødningar?

3. Kvifor i alle dagar, og då meiner eg alle verdas, universets uendelege dagar har ikkje eg somla meg til å installere Adobe-pakka på MacBooken min? Unnskyld meg i det hovudet mitt treff tastaturet i rein og skjær frustrasjon:

hgfdcgvjnhmkhgfdrgthjkljuhrfedrftgujhkilijuhtg. Takk for meg.

Eg les Mengele Zoo for tida, og eg greier ikkje slutte. Boka nærmar seg slutten, og det er trist, for eg vil ikkje at den skal bli ferdig! Eg vil lese i den for alltid. Heldigvis finnes det oppfølgjarar. Eg har gjennoppdaga det fantastiske med bøker. Det er så fint å sitje framfor peisen og lese ei god bok, medan du drikk kakao med krem og kjenner på stillheita i huset. Slike dagar er flotte. Dessverre har eg for lita tid til slikt om dagane. I morgon er innleveringsfrista av DVD-coveret, og sidan eg har mykje å gjere, må eg sitje att på skulen i dag og, slik som i går. Det går greitt, eigentleg, Ole skal og vera igjen. Og Annelene. :D
No er det friminutt, og første dobbelttime time med IKT er ferdig, noko som vil seie at eg har to igjen. Det er greitt, IKT er ganske gøy. Siste time har eg media, og då blir det hard jobbing med coveret! No skal eg i alle fall ete. Poster nokre bilete eg, Annelene og Janne tok på ein Mac i klasserommet her om dagen. Søtt!

eg fant den søtaste samanlikninga for ei stund sidan. det er lista opp med masse forskjellige kjende vegetarianarar, slik som albert einstein, ghandi, leonardo da vinci, bob dylan, the beatles, and so on. lenger nede var det ei liste over kjende kjøtetarar, slik som hitler, mussolini, napoleon, saddam hussein, mao zedong, ghengis kahn og pol pot, og nederst sto det "point proven". knis. vegetarpropaganda, eg veit. og sidan eg er så godt i gong kan eg like godt fortsetje med ei rekke sitater om vegetarisme, oversett på nynorsk for your amusement.

paul mccartney: når eg ser bacon ser eg ein gris, og det er difor eg ikkje kan ete det. dersom slakteri hadde hatt glasveggar hadde alle vore vegetarianarar.
albert einstein: ingenting vil gavne mennesklig helse og auke sjangsane for overlevelse for jorden så mykje som overgongen til ein vegetarisk diett.
pythagoras: så lenge mennesket massakrerer dyr vil dei drepe kvarandre. sanneleg, den som sår frø av mord og smerte kan ikkje hauste glede og kjærleik.
moby: kan du sjå eit dyr inn i augene og seie "min appetitt er viktigare enn din lidelse"?

kva tykkjer du om vegetarisme?

eg tykkjer, dersom ingen har fått det med seg, at sitatar er forferdeleg gøy. difor skal eg poste nokre dumme sitat.

george w. bush er så heldig å få sin eigen kategori:
- eg er for strengare dødsstraff.
- dersom me sprengte kvarandre i lufta hadde verda vore trygg.
- i nasa er verdsrommet framleis høgt prioritert.
- eg kjenner meg beæra av å ta ein modig irakar som har fått handa si kutta av av saddam hussein i handa.
- meir og meir av vår import kjem utanfrå.
- våre fiendar er oppfinnsame og ressurssterke. det er me og. dei sluttar aldri å kome på nye måtar å skade vårt land og vårt folk på. det gjer ikkje me heller.
kristin krohn devold: tyskland har vore ein av våre viktigaste allierte i europa, alltid.
christer falch: eg har aldri utalt meg negativt om stand-upkomikarar. eg har berre sagt at eg håper dei døyr alle saman.
gerald ford: dersom lincoln var i livet i dag, ville han snudd seg i grava.
al gore: me kjem til å ha dei best utdanna amerikanarane i verda.

i dag skal eg skrive eit innlegg om annelene, sidan ho spurte så fint om eg kunne. annelene er sofistikert med raud kåpe og kvit hatt. annelene draumar rare draumar som involverer meg og piccolohattar. annelene mislikar bindestreken i namnet sitt, og difor har eg sensurert den. annelene er søt. annelene er flink. annelene er sær. annelene eig i hangman, sjølv om ho ikkje greidde å gjette at ordet mitt var "marxistleninisme". annelene har ikt saman med meg. annelene lagar adjektivhistorie. annelene er ein storbrukar av onomatopoetikon, og høyrer du "ja, og så berre SWOOSH og BAM og CHOW og FOOOSHHHH" er det mest sannsynleg annelene. annelene er sikkert kjempelei av å lese namnet sitt no. HURRA FOR ANNELENE!

jeg har mange ganger møtt folk som har kjøpt dopapir
og hatt lyst til å spørre om de skal hjem og bæsje.
- erlend loe

dagen i dag har vore ganske lite produktiv. i første time hadde me engelsk, og då såg me filmen whale rider. den er fantastisk. eg trur faktisk at den er ein av mine favorittfilmar. den er vakker. den fekk meg til å ynskje at eg hadde ei interessant kultur, slik som dei i filmen. noreg er keisam. kulturen i noreg er keisam. landskapet i noreg er keisamt. eg mislikar det meste med heimlandet mitt, og når eg blir stor håpar eg på å flytte herfrå. i alle fall frå heimbygda mi. andre time hadde me samfunnsfag, og det var koseleg som vanleg. me har om politikk no, og eg likar det. dessutan har me alltid veldig interessante diskusjonar i samfunnsfagen, slik som om tyrkisk pepper inneheld lakris eller ikkje, noko det gjer, som du kan sjå på denne sida her. Uansett. Etter mat hadde me media, og me arbeider med eit dvd-cover. det er ganske gøy, men eg må ta nokre bilete heime, eventuelt heime hos ole, så det er ikkje så mykje eg kan få gjort før helga. så i mediatimane har eg, karianne og leiv-runar (nei, eg kjem aldri til å skrive "leif'en") vore inne i studioet for å ta bilete, og det var jo ei oppleving. eg skal poste nokre av bileta seinare. me ble litt overengasjerte, noko som førte til at eg tryna av ein krakk og reiv ned masse papirgreier. når me skulle rydde måtte me klippe papirgreia bein att, og leir utbraut "eg kan ikkje klippe, for eg er så skeiv". fantastisk.

etter skulen tok eg bussen med ole ned til arna, kjøpte mat, og satt på med min far heim. eg såg siste halvdelen av home&away (<3), åt, såg friends, dharma&greg, 70s show og hannah montana. JA, EG LIKAR HANNAH MONTANA, OG EG ER STOLT AV DET. vel, ikkje så veldig, anyway. innimellom har eg arbeida litt på dvd-coveret mitt, medan eg har høyrd på my little pony og lengta etter sumar, festival, venar, bading og ferie. eg gler meg så ubeskriveleg til neste sumar. håpar verkeleg me reiser på malakoff, slik som me gjor i år. søtaste festivalen som finnes. dei tre dagane var rein sumaridyll.















dette er meg og ole anten før eller etter ei reporterdame frå avisa 'hallingdølen' kom å skulle intervjue oss. eg trur det var under hellbillieskonserten. me fekk bilete av at me kyssa i avisa, faktisk, og under bilete sto det noko slikt som "ole mjelstad (18) frå osterøy og anja rolland (17) frå vaksdal har vore saman i halvanna år og er like forelska. "båt på land" er bra musikk å kline til, synes dei."










oh yes, eg og ole er big in hallingdal.
klokka er berre ti, men eg er kjempetrøytt og vil sove. det kan ha noko med å gjere mi varierande døgnrytme, menhei, kven klagar. ikkje eg, i alle fall. eg trur eg skal leggje meg snart. ute er det kjempekaldt og masse snø (!) og det blir ikkje særleg flott å gå til bussen i morgon tidleg. greitt nok at busstoppet er hundre meter frå huset, men dei hundre metera består av ein monsterbakke som veit å dytte meg overende. det har kanskje noko med å gjere at eg ikkje har skikkelige vintersko, så ikkje bli forundra dersom du ser meg skli forbi deg i morgon. i morgon er det uansett fredag, så då gjer ingenting noko. ole skal vera med meg heim, me skal kose oss med pizza, godteri og star wars, og laurdag og søndag skal me på bøllekurs! :D eg skal, i alle fall. ole skal berre lage mat og vera undertrykt. hurra!

kva er ditt beste sumarminne?

dette er mitt første blogginnlegg. eg bør sove, men likevel gjer eg lekser. okei, kanskje ikkje akkurat no. pause kallar me det for. eg trur eg kan lære meg å like blogg.no. før hadde eg wordpress, men det var keisamt. det regnar ute, og mi desperate døgnrytme skrik om ras, slik at det blir mogleg for meg å reise på skulen i morgon. døgnrytmen min kan gå å legge seg (ORDSPEL HAHA), eg likar skulen, eg. that is, eg likar skulen etter det vakne-opp-stadiet. eg ynskjer meg viljestyrke til jul, kva ynskjer du deg?